पेट्रोलियम पाइपलाइनको पहिलो परीक्षण सम्पन्न


सिमरा । मोतिहारी अमलेखगञ्ज पेट्रोलियम पाइपलाइनको पहिलो परीक्षण सम्पन्न भएको छ । योजनाको पहिलो परीक्षण शुक्रबार बिहान ६ बजे सम्पनन भएको हो । अन्नपुर्णमा समचार छ ।
पाइपलाइनको परीक्षण बुधबारबाट सुरु गरिएको थियो । भारतको पटनाबाट सुरुमा पानी पठाएर पानीले सफा गरेपछि मात्र त्यसमा डिजेल पठाएको पाइपलाइन प्राविधिक प्रमुख प्रदीप यादवले जानकारी दिए ।

पटनाबाट पाइपलाइनमा पहिलो परीक्षणको लागि २२ लाख लिटर डिजेल पठाइएको प्राविधिक प्रमुख यादवले जानकारी दिए । पठाइएको मध्ये १ लाख लिटर अमलेखगञ्ज डिपोमा राखिने र बाँकी २१ लाख लिटर पाइपमै रहने उनले बताए ।

परीक्षणका लागि भारतबाट २० जना र नेपाल आयल निगमका १० जना प्राविधिक आएका थिए ।

१५ महिनाअघि सुरु भएको पाइपलाइन योजनाको शिलान्यास नेपाल र भारतका प्रधानमन्त्रीले गरेका थिए । पहिलो परीक्षण तोकिएको समयभन्दा ८ महिनाअघि नै सम्पन्न भएको बताइएको छ । पटनाबाट अमलेखगञ्जसम्म रहेको यो पाइपलाइनको कुला लम्बाइ २७८ किमी छ ।

तपाईको प्रतिक्रिया