तेस्रो लहरको कोभिड रोकथाम पूर्वतयारीमा जुटौँ


जुम्ला । जिबन एउटा आफ्नै सुमधुर गतिमा चलिरहेको यात्रा न हो । कहाँ कहाँ कस्ता भाब ल्याएर आइदिन्छ, पत्तै नहुदो रहेछ ? कतै त्यो यात्रा गन्तव्य सम्म नपुग्दै बिश्वनै आक्रान्त भइरहेको यस कठिन समयमा,कोरोना भाइरस (कोभिड–१९) सङ्गको मेलमिलाप त हुने होइन ?

छ वर्ष पहिले नेपालमा गएको महाभुकम्पले १५ हजार भन्दा बडि मानिसको ज्यान लिनुका साथै देशका विभिन्न स्थानमा बसेका बालबालिका र उनीहरूका परिवार प्रत्यक्ष प्रभावित नभएका भने हैनन् । नेपालमा भुकम्पको आलो घाउ सेलाउन नपाउँदै हामीले कोरोना भाइरस ंसंक्रमणको जोखिम संग जुद्न परेको छ । दोस्रो नयाँ चुनौतिको सामना गर्न बाध्य छौ । हामीले विगतका ती दिनहरूमा जुन एकताबद्धता देखाएका थियौं, यस महामारीलाई हराउन आज पनि त्यस्तै गर्न जरूरी छ । आफू सक्षम बनौं र सिङ्गो समाजलाइ नै सक्षम बानाऔ । आफू सुरक्षित बनौं र सिङ्गो समुदायलाइ नै सुरक्षित बन्न आग्रह गरौं । हामी जहाँ छौ सुरक्षित बसौ, महामारीबाट  आफु बचेर अरुलाई पनि बचाउने अभियानमा जुटौ ।

आयुशमान थापा

हामी आफैँ, सुशुचित हुने, आफैँ सतर्क हुने, सामाजिक दूरी कायम राख्ने, हात धुने लगायतका स्वास्थ्य र सरसफाइका नियमहरु पालना गर्ने कुरामा गम्भीर बनौ । अहिले आम हामी नगरिकहरु बाहिर जान रुची देखाउने र घरभित्र गैरजिम्मेवार हुने किसिमको व्यवहार गर्ने, भेला जमघट गर्ने मास्क नलगाउने जस्ता संक्रमण भित्राउने काम गरेको देखिन्छ । त्यस्ता संक्रमण निम्त्याउने काम कसैले नगरौ । बाचेपछि पछि पनि जमघट गर्न सकिन्छ भन्ने भावना राखौ ।

कुनैपनी नागरिकलाइ रोग भएको रहेछ भने भित्रभित्रै रोग संक्रमण भएर उग्ररुप लिनसक्छ । संक्रमण फैलिँदै जान पनि सक्छ, हामीले नियन्त्रणका उपायहरु कडाइको साथ नियम पालना गर्न सक्यौं भने अझै पनि नियन्त्रणमा रहन सक्छ । नियन्त्रणका उपायहरु कार्यान्वयनमा ढीलासुस्ती गरियो,भने बिरामी कहाँ हुन सक्छ भनेर परीक्षणमा ढिलाइ गरियो, भने लकडाउनको पालना न गर्ने र खुकुलो गर्दै जाने हो भने केही दिनमै आगोको फिलिङ्गोले पुरै जंगलनै डढेलो लगाएजस्तो हुनसक्छ ।

हामी ढुक्क हुने स्थिति रहदैन । तर हाल धेरै बिरामी भएका पनि छैनन्, बिरामी भएका पनि गम्भीर भएका छैनन्, त्यसकारण हामीले उच्च सतर्ककासाथ काम गर्नुपर्ने स्थिति हो, । नेपाल सरकार, पर्देश सरकार र स्थानिय सरकार यस महामारीको नियन्त्रणका लागि प्रभावकारी कदमहरू चालिरहेको र चाल्ने छ भन्ने हामिहरूलाई अबगतै छ । हामिहरूलाई बेसन्चो भएमा वा अप्ठेरो परेमा नेपाल सरकारले यथाशीघ्र आवश्यक उपचार र सहयोग गर्ने व्यवस्था गरेको पाइएको छ ।

त्यसैले तेस्रो लहरको कोरोना बाट समुदायलाई जोगाउन एकताबद्ध भएर महामारी विरुद्धको लडाइ जित्न सक्षम हुन जरुरी छ । तीनैतहका सरकार तयारी अबस्थामा रहन आबश्यक छ । भने स्वास्थ्यकर्मीहरुलाई पनि प्रोत्साहन भत्ताको व्यवस्था गरी तयारी अबस्थामा राख्नुपर्छ । त्यस्तै आइसोलेसन,क्वारेन्टइन लगायतका संरचनाको विकासमा तीनै तहका सरकार नागरिक अगुवा जनप्रतिनिधि जुट्न आबश्यक देखिन्छ ।

भने, तेस्रो लहरको कोरोना महामारीबाट बच्न सचेतना फैलाउन संचार माध्यमबाट प्रचार प्रशारमा जोड पनि उत्तिकै जरुरी छ । अनिवार्य रुपमा मास्कको प्रयोग गरौ,साबुन पानीले हात धौउ,भौतिक दुरी कायम गरौ,तेस्रो लहरको कोरोनाबाट आफु बचौ अरुलाई पनि बचाउ ।
लेखकः आयुशमान थापा गुठिचौर गाउँपालिका जुम्लाका यूवा हुन् ।

तपाईको प्रतिक्रिया