रक्सीले मातेर कार्यालय पुगेका वडाध्यक्ष पक्राउ


झापा । मेचीनगर नगरपालिकाका (२ का वडाध्यक्ष तिलक न्यौपाने रक्सी पिएर कार्यालय पुगेपछि पक्राउ परेका छन् । रक्सी पिएर कार्यालय पुगेकाका न्यौपानेले स्थानीयलाई गालीगलौज गरेपछि प्रहरीले पक्राउ गरेको हो ।

गत असार १४ गते भएको निर्वाचनमा नेकपा एमालेबाट निर्वा्चित भएका न्यौपानेले सुरूबाटै मदिरा पिउने गरेका थिए । उनी बाहुनडाँगी गाविसका पूर्व उपाध्यक्ष समेत हुन् । जनप्रतिनिधि भएर पनि उनी मदिरा पिएर गाउँलेलाई सताउँदै हिँड्ने गरेका प्रहरीले जनाएको छ ।

जिल्ला समन्वय समितिकी सदस्य गंगा कार्कीसहित पुगेका स्थानीय व्यक्ति र वडा सदस्यहरुलाई समेत उनले मातेको सुरमा गाली गरेका थिए । निर्वा्चित भएपछि लगातार रक्सी खाँदै आएका न्यौपानेलाई यसअघि पार्टीले सम्झाएको थियो । उनलाई इलाका प्रहरी कार्यालय काँकरभिट्टाका डीएसपी टंकप्रसाद भट्टराई नेतृत्वको टोलीले पक्राउ गरेको हो ।

यो घटनाले मेचीनगर २ को एमाले पङक्तिमा समेत धक्का पुगेको छ । नेपाली काङ्ग्रेसका हिम्मत क्षेत्री र माओवादीका उत्तम सिठुङलाई हराउँदै उनी अध्यक्षमा निर्वा्चित भएका थिए ।

प्रहरी पुगेपछि उनले आफुलाई जनताले निर्वा्चित गरेर जिम्मेवारी दिएकाले पक्रनुपर्ने कुनै कारण नभएको जिकिर गरेका थिए ।

तपाईको प्रतिक्रिया