जुम्लाका स्थानीय तहको नीति कार्यक्रम तथा बजेट सार्वजनिक


साक्षर घोषणा देखि सडक, संञ्चार र विद्युत प्रथामिकता
मानदत्त रावल, कर्णाली पोष्ट, जुम्ला
जुम्लाका आठ स्थानीय तहले नीति तथा बजेट सार्वजनिक गरेको छ । आइतबार स्थानीय तह गाउँ तथा नगरपालिकाले दोस्रो गाउँसभाबाट नीति तथा बजेट सार्वजनिक गरेका हुन् ।

सिजा गाउँपालिका अध्यक्ष देवलसिहं रावलले साक्षर गाउँपालिका घोषणा देखि सडक सञ्चार विद्युतलाई प्रथामिकतामा राखेर नीति तथा बजेट सार्वजनिक गरिएको बताए । उनले भने सिजा गाउँपालिकाको विकास गरीवीको निकास भन्ने रकारात्मक सन्देशका साथ दिर्घकालिन लक्ष्य रहेको छ । आर्थिक बर्ष ०७५÷०७६ चालु तर्फ ४ करोड ५९ लाख र पुजीगत तर्फ ९ करोड ५ लाख ७१ हजार र सर्सत अनुदान तर्फ ८ करोड ९७ लाख विनियोजन भएको सिजा गाउँपालिकाले जनाएको छ ।


तिला गाउँपालिकाले प्रत्येक गाउँमा सडक सञ्जाल जोडेर यातायातको पहुच वृद्धि गर्ने, गाउँपालिका भर एक मेगावट विद्युत उत्पादन गरी उद्योग कलकारखाना खोल्नमा जोड दिने, यहाँको आर्थिक, सामाजिक, सास्कृतिक र पर्यटकिय तथा पर्यवरणिय अवस्थालाई दृष्टिगत गर्दै नीति, कार्यक्रम तथा वजेट सार्वजनिक गरेको छ । चालु तर्फ ४ करोड १० लाख, पुजीगत तर्फ शसर्त ११ करोड २६ लाख र पुजीगत खर्च १० करोड ७८ लाख १५ हजार गरी जम्मा २६ करोड १४ लाख १५ हजार रहेको जनाएको छ ।
त्यसैरी सार्वजनिक नीति कार्यक्रम तथा बजेटमा चन्दननाथ नगरपालिका जुम्लाले मेयर रोजगार कार्यक्रम संचालन गर्ने भएको छ । नगरपालिकाले आर्थिक बर्ष ०७५÷०७६ को बजेट, निति तथा कार्यक्रममा मेयर रोजगार कार्यक्रमलाई नमुनाको रुपमा संचालन गर्ने उल्लेख गरेको हो । सो कार्यक्रम नगरपालिका भित्रका विपन्न, दलित, जनजाति तथा पिछडिएका र बेरोजगार युवा समुदायहरुको सघन बसोबास भएका वडाहरुमा आ.ब ०७५÷०७६ देखि लागु हुने भएको छ । नगरपालिका भित्र टेलिफोन, विद्युत लगाएत अन्य लथालिंग अवस्थामा रहेका टेलिफोन लाईन तारलाई ब्यवस्थित गर्न जमिनभित्र तार बिछ्याउने कार्यक्रम ल्याईएको छ । नगरपालिकाले जम्मा ३७ करोड ४९ लाख ३ हजारको प्रस्तावित बजेट सार्वजनिक गरेको छ ।
शिक्षा, पर्यटन कृषि जडिबुटिको मुल आधार, सभ्य, सुन्दर समृद्ध पातारासी गाउँपालिकाले मुल आधार भन्ने नारा सहित पातारासी गाउँपालिकाले नीति कार्यक्रम तथा बजेट सार्वजनिक गरेको छ । गाउँपालिकाले चालु तर्फ १३ करोड ३४ लाख ९९ हजार र पुजीगत तर्फ ११ करोड ९० लाख ९९ हजारी गरी जम्मा २५ करोड ९८ हजार बजेट विनियोजन गरेको छ । गाउँपालिकाले सडक, विद्युत शिक्षा, कृषि लगायतका कार्यक्रमहरुलाई प्रथामिकतमा राखेर नीति कार्यक्रम तथा बजेट सार्वजनिक भएको प्रशासकिय प्रमुख रामबहादुर बुढाले बताए ।
त्यसैगरी हिमा गाउँपालिकाले बृहत खानेपानी, सडक बिजुली, कृषि शिक्षा लगायतका कार्यक्रमलाई प्रथामिकतामा राखेर नीति कार्यक्रम तथा बजेट सार्वजनिक गरेको छ । गाउँपाकिाले २१ करोड १ लाख २० हजार रुपैयाको बजेट प्रस्ताव गरेको छ ।

तातोपानी गाउँपालिकाले योजना कार्यन्वयनका लागि जम्मा ३३ करोड ९१ लाख ३ हजार मध्ये पुजीगत १२ करोड ९५ लाख ४५ हजार र चालु तर्फ ५ करोड ६३ लाख ३० हजार बजेट विनियोजन गरिएको गाउँपालिकाका प्रमुख नवराज न्यौपानेले बताए ।
कनकासुन्दरी गाउँपालिकाले आर्थिक बिकास, सामाजिक बिकास, पूर्वाधार विकास, वातावरण तथा विपद् व्यवस्थापन, सस्थागत विकास सेवा प्रवाह तथा सुशासनलाई प्रथामिकतामा राख्दै नीति कार्यक्रम तथा बजेट सार्वजनिक गरेको छ । त्यसैगरी बजेट तथा योजना तथा वितिय व्यवस्था स्वास्थ्यको नीति तथा कायकम, राजस्व सम्बन्धि नीति तथा कार्यक्रम, दक्ष जनशक्ति उत्पादन सम्बन्धित नीति तथा कार्यक्रम शिक्षा सम्बन्धि नीति, कृषि तथा पशुपक्षि सम्बन्धित नीति, माथि छनफल गरि संसोधनसहित नीति पास गरिएको कनकासुन्दरी गाउँ पालिकाका अध्यक्ष नरबिर रावतले बताए ।
अध्यक्ष रावतका अनुसार विशेष गरि नेपाली भाषाको उदगम स्थल भएको हुदा खस भाषाको संरक्षण गरि धार्मिक तथा पर्यटकीय विकास गर्ने युवा युवतीलाई रोजगार मुलक कार्यक्रम सहितको नीतिमा जोड दिएको छ ।

तपाईको प्रतिक्रिया