पत्रकार महासंघ जुम्लाका अध्यक्ष शाही कोरोना संक्रमित


मानदत्त रावल ।


नेपाल पत्रकार महासंघ शाखा जुम्लाका अध्यक्ष नेत्रबहादुर शाहीलाई कोरोना संक्रमण भएको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा आरटीपिसिआर परीक्षण गर्दा अध्यक्ष शाहीलाई कोरोना संक्रमण भएको पुष्टि भएको हो ।

कोरोना संक्रमण रोकथाम तथा नियन्त्रण नागरिकलाई सुसुचित गर्दै कोरोना माहामारीमा फन्टलाइनमै खटिएर सुचना प्रवाह गर्ने क्रममा कोरोना संक्रमण भएको जुम्ला शाखाकी उपाध्यक्ष दिलमाया शाहीले बताइन् ।

यसअघि नेपाल पत्रकार महासंघका संस्थापक अध्यक्ष नरेन्द्रनाथ योगी,निवर्तमान केन्द्रीय सदस्य पूर्णप्रसाद चौलागाई, रेडियो प्रशारक संघ कर्णाली प्रदेश संयोजक तथा रेडियो कर्णाली एफएम जुम्लाका स्टेशन म्यानेजर गोरखबहादुर थापा, प्रेस यूनियनका केन्द्रीय सदस्य तथा कान्तिपुर जुम्ला संवाददाता एलपी देवकोटा, मिडिया नेपाल जुम्ला अध्यक्ष तथा इमेज खबरका जुम्ला संवाददाता कृष्ण बोहरा कोरोना संक्रमति भएका थिए । अहिले उनीहरु कोरोना संक्रमण मुक्त भइसकेका छन् ।

यस्तै जुम्लामा कोरोना संक्रमतिको संख्या ७३६ पुगेको छ । कोरोना संक्रमण मुक्त हुनको संख्या ५६१ रहेको जिल्ला प्रशासन कार्यालय जुम्लाको प्रतिवेदनमा उल्लेख गरिएको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको आइसोलेसन कक्षमा २९ जना संक्रमति उपचारथ रहेको प्रमुख जिल्ला अधिकारी भुपेन्द्र थापाले बताए ।

उनले भने वैशाख पहिलो सातादेखि फैलिएको दोस्रो लहर कोरोना संक्रमणका कारण जुम्लाका पाँच जनाको मृत्यु भएको छ । यस्तै बाहिर जिल्लाका कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा तीन जनाको मृत्यु भएको छ ।

 

तपाईको प्रतिक्रिया